銀行 : 如何開銀行

對於之前講過開銀行戶口因為種種原因可能引發嘅問題同灰色地帶，變成好多人仍然對開戶好大疑問。 對於開虛擬銀行的確唔係最好選擇中嘅最好選擇。但其實亦唔係話個個得，原因睇下面啦。 講過Monese同Revolut喺易啲開但個statement唔可以當地址証明，唯獨Monzo同Starling可以，亦可承認為Local 銀行，張Debit卡亦係可當本地Debit Card, 但Monzo已經玩到幾乎香港人都再開唔到。我試咗兩次都唔得，Starling係變咗唯一選擇，之前都唔得，但今次終於得啦。 但下面嘅嘢要注意，當然實有人話好簡單等等，我唔理，總之我就係咁做。

１：要有英國電話號碼。

 2 ：如果iPhone，就要將個Apple Account轉做英國Account，如果唔係無得Download，咁用VPN得唔得？應該唔得，因為我之前已經身在英國但Apple Account仍係香港Account，就話地區唔支持下載，咁我就轉咗做英國Acocunt。Android又點呢？唔知，因為無用。

 3 ：Download咗個App就要填資料啦，照填，但地址証明就要比，所以只可到咗呢邊租咗地方有地址至得，你至少要比本地車牌，Council Tax 嘅信或單，或者水電煤嘅單至得。咁租Airbnb或者租咗水電煤Council Tax全包嘅就無辦法。

 4 ：佢會問你喺呢個地址有無住滿六個月，照答無。 全程無需呃佢，照問照答。亦無問你喺咪英國公民。

 5 ：之後影PASSPORT同錄個Video，同其他銀行一樣。 咁你話，唓，我租咗或買咗屋，有晒地址証明，直情開實題銀行啦，係 無錯，但之前個post刪咗就係因為我哋嘅身份依然尷尬，申請實體銀行時你照答完問題會踩到界，你博唔博？你博嘅就唔洗理呢個Post，唔博嘅就希望幫到小小眾，喺唔踩界下開到本地戶口。 咁你又話，我申請Council Tax同水電煤時又點比Direct Debit呢？咁申請張Monese或Revolut先啦，可以比呢啲㗎。到攪咗Starling就轉Payment method。Monese同Revolut當過渡嚟用好啦。 咁你又又話，如果Monese同Revolut可以比呢啲咁就唔洗Starling啦，係，但好多其他嘢依然唔收呢兩張，而呢兩張亦唔係英國銀行卡，雖然都有戶口號碼同Sort Code。 下面幾張圖就係講咗呢幾張卡嘅分別Monese同Revolut仍然未算係正式銀行，Starling就係，受FCSC保障。

———————————————————————————————– 

正在走資的人,睇下呢篇 香港/國際戶口銀行篇… 過嚟英國啲錢點處理呢，其實我自從上年開始已經逐步將啲錢撤離香港，所以D戶口唔係最近先申請的：

1.                              Hong Kong Citibank Priority

喺香港我係用Citibank Priority嘅, 冇最低存款要求，好處就係佢有一個Global Wallet，activate 咗之後，只要事先將港紙轉咗做英鎊，咁佢就可以直接喺英國拍卡，當Debit Card 咁用，即接扣英磅戶口，冇手續費，而且匯款去外國暫時都係唔需要手續費嘅，但D錢唔係離岸。

2.                              UK Barclays International Bank Account

呢個戶口我喺香港開嘅國際戶口，我用BNO(特區護照我唔肯定得唔得)，香港地址，香港電話開，大家要留意番其實佢係有最低開戶金額嘅，咁佢呢個最低開戶金額係要keep 3個月，亦都係可以不定時更改嘅，我比較好彩之前開嘅時候呢個最低存款額係少好多的，最近我聽聞七月之後有朋友想開個佢個最低開戶金額已經去到100000鎊咁即係大概1,000,000港紙。大家想開就check 下。呢個係我之前開咗嘅國際戶口，我仲未知道我嚟到英國住嘅時候，我需唔需要改返做一個本地戶口定係點樣，我下星期就會再去銀行處理呢件事，同埋會喺另一間銀行開多個真正嘅本地英國戶口，大家都要留意，Barclays 嗰個手續程序係比較長，我用咗一個月先拎到個編碼器同Debit Card, 另外核証身份可以用video verification 或搵人certify true copy of 你本passport同地址證明，咁我因為慳錢，梗係用video verification 啦. 另外，聽聞HSBC Jersey係易開D，仲有幾間virtual bank.   

我已申請左英國可用的debit card,你都可以有，利申：你、我都有送免費轉賬 money transfer: https://transferwise.com/invite/w/shuc152

有多種貨幣，唔使帶現金旅行喇。除左IB之外, Wise 兌換率最抵。可網上申請，唔用時就唔使比錢、冇月費。