門鎖安全

UK LOCK

home security

 

大家對英國其中一個最關心既

問題就係治安，深怕屋企會成為爆格目標，所以研究左啲 Home Security system ,在此簡單分析英國6間品牌既價錢同服務啦~

 

1. SimpliSafe: 

前期裝置價錢: £200（如果跟合約可豁免），最多家庭鐘意呢間，因為可以不用簽合約，價錢經濟，可以自己DIY, 仲可以用Amazon 同Google 語音操控。（即係出街時用口講：Google 幫我開個警報系統，Google 再答你，Ok ，警報系統已開。哈哈哈，成件事型左）

不過呢間就冇外置警報器（即係掛係屋外牆會響個舊野）如果要有專業人仕幫你monitoring ，最低月費要£12.99，仲有不同packages選擇，價錢由£279 to £504.

 

2. Yale: 

前期裝置價錢: £214，可以DIY,冇月費冇合約，有外牆著燈警報器，你可以自己控制個System直接駁去報警。仲可以因應你個人需要額外增加不同系統，好似緊急制，煙霧系統等等。如果你全屋裝曬Philips Hue smart 個啲lightbulbs 燈泡，可以同Yale個系統駁埋一齊，有賊入來，全屋既燈就變曬紅色閃爍, 係咪好有畫面呢啲額外野當然要額外付費買喇，如果以其他公司可以自動報警系統比較，Yale價格總括來講比較平。因為佢地冇月費當然就冇professional monitoring既服務。

 

3. Blink: 

前期裝置價錢: £139.99, 可以DIY , 6間公司裝置費用最平，有免費既雲端儲存，無線cam, 二年電池壽命，online 監察。但Blink冇任何實質性既保安，只係等於我地平時係香港裝個啲監控Cam, 但佢就話自己個Cam係比較高解像度，有熱能感應，有啲咩生物移動都會追蹤，網站其中一句係“可以順便捕捉到你地寵物最可愛既一面”

 

4. Verisure: 

裝置吾可以DIY,一定要佢地搵專人來裝，會因應你需求，屋既大大小小去設計，所以前期裝置費要搵佢地先報到價，一定要簽合約。 

呢間係6間公司來講security最完善，警報系統最佳，公司聲稱由觸動警報接收中心到報案大約45秒內，而呢間公司暫時係唯一一間可以係屋企按裝

ZeroVision Smoke alarm，即係有賊入屋系統會噴出濃濃既煙霧,佢地公司用“If They Can’t See, They Can’t Steal” 來形容，即係睇吾到就偷吾到.

同埋係警報發出後除左報警外，佢地公司都會同時派出安全團隊去你屋企，有啲咁好既服務當然佢地既服務月費吾平喇，每月需要：£39.99

 

5. ADT: 

前期裝置價錢: £0，吾駛錢當然必需簽合約喇，呢間都吾可以DIY。ADT擁有140多年歷史，對於家庭保安系統已經做得好成熟，佢地網站仲表示超過90％的賊睇到你門口掛左ADT監視警報器，啲賊會諗清諗楚先決定入吾入屋, 睇Logo已經驚 其他基本你想裝既野呢間公司都有曬，例如一氧化碳，煙霧感應，Cameras戈啲都有，但Packeage冇包既都係要額外付款。ADT 有個Smart Home app可以係你電話遙距控制你屋企保安，岩曬啲出門吾記得開既人，仲可以控製其他智能家庭設備，Wi-Fi攝像頭等，真係Smart高科技

Monitoring每月月費£27.99

 

6. Ring: 

前期裝置價錢: £249, 冇月費，冇合約，可以DIY。其實呢間以視頻門鐘和Cam聞名，家庭報警器system 算係新人。我係英國見到好多屋門口都係用呢個牌子做門鐘，可能貪佢可以錄像埋，佢出個個警報器係有賊入屋，會經app通知你，由你自己去報警