睇樓注意事項 (屋內業主提供設備及資料）

 

我地行入屋，睇下有咩要留意，有朋友於group入面都講，睇到又點丫，唔通有得租唔租咩，無錯，我地香港人剛剛到步可能租屋比較難，不過知道有問題，做定準備做好記錄，好過有咩事到時先諗解決方法好丫。

 

之前提到英國政府有本天書，業主係需要提供以下的設施及資料俾租客，大家可以先瞭解一下先。

 

How to rent checklist

https://assets.publishing.service.gov.uk/government/uploads/system/uploads/attachment_data/file/942503/6.6642_MHCLG_How_to_Rent_v5.pdf

 

1） EPC (Energy Energy Certificate) 最起碼要Band E，呢份野應該已經放左樓盤廣告入面，只要都是預計一下之後的水電煤大約的費用，你band C就可以問番Band C的朋友大約費用作為參考；不過，如果係買樓的朋友就要睇清楚，睇清楚份文件係幾時做，當時有咩問題，有咩建議，同現場環境有無改善或者變差到，例如Boiler有冇換，窗的Double glazing情況又點，Loft的保溫做成點，因為呢D都會直接影響你下次更新的費用，或者影響租務。

 

2) Electrical safety check, 有網友問過係咪有呢份文件就即係所有電器電掣都唔駛檢查喇？唔好意思，唔係，呢份文件應該每5年1次，所以你租時唔一定update架，另外，電器應該係另一個PAT test所檢查，只有業主提供的大電量電器先有張Label，不過好多都無做。所以，各位租或買樓的朋友最好都搵件簡單的電器 (USB叉電器) 去試晒所有電掣有冇電，頭幾日都盡量試晒業主提供的電器，睇下有冇壞或者唔識用，或業主有無提供說明書或者上網搵唔搵到說明書喇。英國業主通常提供的電器包括（洗碗碟機，洗衣乾衣機，雪櫃同爐頭）, 至於提供幾多及新舊款就睇下個業主喇。

 

3) Smoke alarm & carbon monoxide detector，業主是必須於每一層及Gas的bolier外的位置安置上述設備，於租約開始時必須能運作，而之後就靠租客定期檢查，如果有問題就匯報Agent/業主，再安排維修或者更換。

 

4) Boiler certification，英國規定業主每年都要檢查Boiler，所以一定要問agent/業主拎番份報告，一定要檢查個Boiler用唔用到，其他的radiator/地暖點用，尤其依家咁的氣溫，冇暖氣暖水好慘架。

 

5) Security or Thermal Control System 英國近年的安居智能技術不停改進，所以當租或者買樓時一定要睇清楚之前究竟有無留低咩系統，有冇咩account或者password要交代低，因為隨時個保安或者溫控系統係兩手之前租客放低，佢隨時可以幫你開鎖熄Boiler，最慘係凌晨時份false alarm唔知點處理好。

 

6) 食水系統，英國大部分地區都是硬水地區，而且天氣寒冷，好多時屋主都會安裝過濾系統或者即熱設備，最好問清楚系統的牌子 model，上次定期維修更換的時間，免得系統已經停產或者太耐無換濾心，影響食水質素。

 

以上係業主應該提供的資料及設備，希望幫到大家瞭解間屋的情況。